ڈالر کی قیمت میں اضافہ ،تو لہ سونا4600روپے مہنگا
کراچی(بزنس رپورٹر)انٹربینک مارکیٹ میں جمعہ کو روپے کے مقابلے میں ڈالر کی قیمت میں مزید اضافہ ریکارڈ کیا گیا۔۔۔
ادھرسونا مزید مہنگا ہوگیا۔اسٹیٹ بینک کے مطابق انٹربینک میں ڈالر 29پیسے کے اضافے سے 282.96روپے پر جاپہنچا۔ واضح ر ہے کہ گزشتہ روز انٹربینک میں ڈالر 282 روپے 67 پیسے پر بند ہواتھا۔ دوسری جانب عالمی بلین مارکیٹ میں سونا 46 ڈالر کے اضافے سے 3417ڈالر فی اونس کا ہوگیا۔ بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 4600روپے کے اضافے سے 3لاکھ 61ہزار 500روپے پر جا پہنچا۔ اسی طرح دس گرام سونے کی قیمت 4023 کے اضافے سے 3لاکھ 10ہزار 700روپے ہوگئی۔دریں اثنا چاندی کی فی تولہ قیمت 35روپے کے اضافے سے 3780روپے ہوگئی۔
روزنامہ دنیا ایپ انسٹال کریں
