ڈالر کی قدر میں اضافہ ،تولہ سونا 1500روپے سستا
کراچی(بزنس رپورٹر)انٹربینک مارکیٹ میں جمعہ کو ڈالرکی قدر میں اضافہ ریکارڈکیا گیا، ادھر سونے کی قیمت میں ایک مرتبہ پھر بڑی کمی دیکھی گئی۔۔
اسٹیٹ بینک آف پاکستان کی رپورٹ کے مطابق انٹربینک میں ڈالر11پیسے کے اضافے سے 283.97روپے پر جاپہنچا ۔ دوسری جانب عالمی بلین مارکیٹ میں سونا 15 ڈالر کی کمی سے 3335 ڈالرفی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 1500روپے کی کمی سے 3لاکھ 55ہزار 500روپے کاہوگیا۔اسی طرح دس گرام سونے کی قیمت 1286 روپے کی کمی سے 3لاکھ 4 ہزار 783 روپے ہوگئی ۔ قبل ازیں منگل کو سونے کی فی تولہ قیمت 800 روپے کے اضافے سے 3 لاکھ 57 ہزار روپے پر جاپہنچی تھی۔دریں اثناچاندی کی فی تولہ قیمت 3871 روپے پر مستحکم رہی۔
روزنامہ دنیا ایپ انسٹال کریں
