بینک مکرمہ لمیٹڈ کی سرمایہ کاری میں تاریخی اضافہ
کراچی(بزنس ڈیسک)بینک مکرمہ لمیٹڈ (بی ایم ایل)اپنے سرمائے میں مزید فراہمی کے حوالے سے مسلسل نمایاں پیش رفت کر رہا ہے۔۔
، جو اس کے طویل المدتی مالی استحکام اور ترقی کی جانب ایک اہم قدم ہے ۔اس مثبت پیش رفت کو مزید تقویت بینک کے سرپرست جناب ناصر عبداللہ حسین لُوتاہ کی جانب سے 5 ارب روپے کی جمع کرائی گئی خطیر رقم سے ملی ہے جسے انضباطی منظوریوں کے بعد حصص کی سبسکرپشن کے لیے پیشگی ادائیگی کے طور پر ریکارڈ کیا جائے گا اور یہ نئی سرمایہ کاری سال 2023میں فراہم کردہ 10 ارب روپے کی سرمایہ کاری کے تسلسل میں ہے ۔اس کے علاوہ، بینک میں سرپرست کی جانب سے مزید سرمایہ کاری گلوبل ہالی ڈیولپمنٹ لمیٹڈ (جی ایچ ڈی ایل)کے جو سرپرست کی ملکیت میں ہے بینک مکرمہ میں انضمام کی تجویز میں بھی ظاہر ہوتی ہے ،ان تمام اقدامات سے مجموعی طور پر ناصر عبداللہ حسین لُوتاہ کی جانب سے بینک اور پاکستان کے لیے وقف کردہ سرمایہ 41 ارب روپے تک پہنچ جائے گاجو اُن کے عزم اور طویل المدتی وابستگی کا واضح ثبوت ہے ۔ اسکے ساتھ بینک مکرمہ لمیٹڈ کے بورڈ آف ڈائریکٹرز نے کلفٹن میں واقع کلینن ٹاور (Cullinan Tower)کی 12 ارب روپے کی تصدیق شدہ پیشکش پر فروخت کی منظوری دے دی ہے ۔یہ تاریخی ٹرانزیکشن بینک کے لیے ایک بڑا قدم ہے ، جو نہ صرف نمایاں لیکویڈیٹی فراہم کرے گا بلکہ سرمایہپر منافع کا ذریعہ بھی بنے گا۔مذکورہ بالا تمام اقدامات کے نتیجے میں بینک مکرمہ لمیٹڈ کے خالص اثاثہ جات میں تقریباً 50 ارب روپے کا اضافہ متوقع ہے۔
