ڈی سی کا ڈی ایچ کیو ہسپتال کا دورہ ،سہولیا ت کاجائزہ
چنیوٹ(ڈسٹرکٹ رپورٹر،نمائندہ دنیا)ڈپٹی کمشنر آصف رضانے رات گئے ڈی ایچ کیو ہسپتال کا دورہ کیا اور انتظامی و طبی امور پر عملدرآمد کا جائزہ لیا ۔۔۔
ڈپٹی کمشنر مختلف وارڈ ز میں گئے اور مریضوں کی عیادت کرتے علاج معالجہ کی سہولتوں ،ادویات دستیابی بارے دریافت کیا۔سی او ہیلتھ ڈاکٹر سہیل طارق ، ایم ایس ڈاکٹر احمد خان و دیگر انتظامی افسر بھی موجود تھے ۔ ڈپٹی کمشنر نے کہا سرکاری ہسپتالوں میں مریضوں کی دیکھ بھال اور علاج معالجہ پر ذمہ دارانہ توجہ دی جائے ۔ انہوں نے انتظامیہ کو ہدایت کی کہ طبی مشینوں کی بہتر دیکھ بھال، تحفظ کویقینی بنائیں اور تشخیصی سہولیات تک ہر مریض کی رسائی ہونی چاہیے ۔ انہوں نے ہسپتال میں صفائی انتظامات کو بہتر بنانے کی تاکید کی۔ڈپٹی کمشنر آصف رضانے پولیو مہم بارے کہا کہ یہ یکم دسمبر تک جاری رہے گی مہم میں 2 لاکھ91 ہزار 119 بچوں کو حفاظتی قطرے پلائے جائینگے ، ضلع بھرمیں 1467 ٹیمیں ڈیوٹی انجام دیں گی والدین اپنے چھوٹے بچوں کو پولیو کے قطرے لازمی پلائیں اور انہیں عمر بھر کی معذوری سے بچائیں۔
