ٹھیکریوالا:ڈکیتی و چوری کی متعدد وارداتوں میں شہری کنگال
ٹھیکریوالا(نمائندہ دنیا )ڈکیتی و چوری کی مختلف وارداتوں میں شہریوں کو لاکھوں روپے نقدی اور موٹر سائیکلوں سے محروم کر دیا گیا۔
تفصیلات کے مطابق تھانہ ٹھیکریوالا کے علاقہ چک 69 ج۔ب چبہ کا رہائشی قدیر نجی بنک سے رقم نکلوا کر جا رہا تھا کہ جھنگ روڈ پر پیراڈائز گارڈن کے قریب موٹر سائیکل سوار 2مسلح ڈاکو اسلحہ کی نوک پر اس سے 2 لاکھ 50 ہزار روپے نقدی اور موبائل لوٹ کر فائرنگ کرتے ہوئے فرار ہوگئے ۔ادھر نامعلوم افرادنے دھاندرہ کے رہائشی عمیر کی موٹرسائیکل چک 66 ج۔ب دھاندرہ میں نجی ہسپتال سے جبکہ چک 66 ج۔ب دھاندرہ فقیر آباد کے رہائشی حاجی یسین کی گھر کے باہر سے موٹر سائیکل چور ی کر لی۔ تھانہ ٹھیکریوالا پولیس نے متاثرہ شہریوں کی درخواستوں پر الگ الگ مقدمات درج کر کے ملزمان کی تلاش شروع کردی۔
روزنامہ دنیا ایپ انسٹال کریں
