سی پی او فیصل آباد کی عوامی مسائل کے حل کیلئے کھلی کچہر ی
فیصل آباد(سٹی رپورٹر)سی پی او فیصل آباد صاحبزادہ بلال عمر کی جانب سے اپنے آفس میں عوام کے مسائل کے فوری حل کیلئے کھلی کچہر ی کا انعقاد کیاگیا ۔
تفصیلات کے مطابق سی پی او فیصل آباد صاحبزادہ بلال عمر کا اپنے آفس میں عوام کے مسائل کے فوری حل کیلئے کھلی کچہری کا انعقاد کیا جس میں سائلین نے فرداً فرداًاپنے مسائل سے آگاہ کیا اورسی پی او فیصل آباد نے ان کے مسائل کے حل کیلئے متعلقہ افسران کو احکامات جاری کر دیئے اور متعلقہ پولیس افسروں کو ہدایت جاری کر دی کہ ان شہریوں کی شکایات کو ترجیحی بنیادوں پر حل کیا جائے ۔ اس موقع پرسی پی او صاحبزادہ بلال عمر نے کہا کہ وزیر اعلیٰ پنجاب اور آئی جی پنجاب کے ویژن کے مطابق کھلی کچری کا انعقاد کیا جا رہا ہے ، لوگوں کے مسائل کے حل کے لیے ہر ممکن اقدامات کئے جا رہے ہیں ،شہریوں کے جان ومال کا تحفظ اور انصاف کی فراہمی اولین ترجیح ہے ۔
