اے سی جڑانوالہ کا رورل ہیلتھ سینٹرستیانہ کا اچانک دورہ
جڑانوالہ (نمائندہ دنیا )اسسٹنٹ کمشنرجڑانوالہ رنگزیب گورائیہ نے گزشتہ روز رورل ہیلتھ سینٹرستیانہ کا اچانک دورہ کیا اورہسپتال میں طبی سہولیات کی فراہمی چیک کی۔
انہوں نے ایمرجنسی،اوپی ڈی،وارڈز میں ڈاکٹروں،عملہ کی حاضریوں اورصفائی کی صورتحال کا معائنہ کیا۔اسسٹنٹ کمشنرجڑانوالہ رنگزیب گورائیہ اس موقع پر گفتگو میں کہا کہ طبی سہولیات کی فراہمی وزیر اعلیٰ پنجاب مریم نواز کی اولین ترجیح ہے ،بنیادی مرکز صحت اور سرکاری ہسپتالوں میں مفت ادویات کی عدم فراہمی پر زیرو ٹالرنس پالیسی ہے جس پر کوئی سمجھوتہ نہیں کیا جائے گا۔انہوں نے مریضوں اور ان کے ساتھ لواحقین سے ادویات کی دستیابی اور ڈاکٹروں کے رویہ بارے استفسار کرتے ہوئے محکمہ صحت کے حکام کو حکومت پنجاب کی پالیسی کے مطابق ادویات سمیت تمام سہولیات فراہمی یقینی بنانے کا حکم دیا۔انہوں نے کہا کہ وزیر اعلیٰ پنجاب کے ویژن کے مطابق مریضوں کو صحت کی تمام سہولیات کی فراہمی کیلئے پرعزم ہیں۔
