ظہیراکبربھٹی ٹریول ایجنٹس ایسوسی ایشن کے صدر منتخب
لالہ موسیٰ(نمائندہ دنیا )ٹریول ایجنٹس ایسوسی ایشن لالہ موسیٰ کے انتخابات ،ضلعی سینئررہنما مسلم لیگ (ن)سیف الرحمن بھٹی ایڈووکیٹ کے چھوٹے بھائی ظہیراکبربھٹی بھاری اکثریت سے صدر ،سہیل شہزادجنرل سیکرٹری منتخب ہوگئے۔۔۔
ٹریول ایجنٹس ایسوسی ایشن لالہ موسیٰ کے الیکشن کیلئے پولنگ مقامی ریسٹورنٹ میں ہوئی ،الیکشن کمیشن کے فرائض فرخ محمودبٹ ،مہرتوصیف عابد،رضوان احمدنے انجام دئیے ،ایسوسی ایشن کے ٹوٹل 38ممبران نے اپناحق رائے دہی استعمال کیا،چیف الیکشن کمیشن فرخ محمودبٹ نے رزلٹ کااعلان کیا جس کے مطابق ظہیراکبربھٹی 24ووٹ لے کر صدر منتخب ہوئے جبکہ ان کے مدمقابل عبدالکریم بٹ کو 14ووٹ ملے ،جنرل سیکرٹری کی سیٹ پر سہیل شہزاد20ووٹ لے کر کامیاب ہوئے ان کے مدمقابل افضال پسوال کو 18ووٹ ملے ،رزلٹ کااعلان ہوتے ہی عبدالکریم بٹ اور افضال پسوال نے جیتنے والے صدرظہیراکبر بھٹی،جنرل سیکرٹری سہیل شہزادکو مبارکباددی اور نیک خواہشات کااظہارکیا،اس موقع پر نومنتخب صدرظہیراکبر بھٹی ،جنرل سیکرٹری سہیل شہزادکے حامیوں نے جشن منایا،ڈھول کی تھاپ پر بھنگڑے ڈالے گئے ،نومنتخب عہدیداروں نے خطاب کرتے ہوئے کہاکہ ہم صدر اور جنرل سیکرٹری نہیں بلکہ ایسوسی ایشن کے 38ممبران ہی صدر اور جنرل سیکرٹری ہیں ہم نے پہلے 5سال بھی اپنے ساتھیوں کی خدمت کی اور ان کے مسائل کے حل میں کرداراداکیاآئندہ بھی ساتھیوں کی خدمت کریں گے ۔
