سیالکوٹ:خاتون کیساتھ بد تمیزی ،فائرنگ سے نوجوان قتل
سیالکوٹ،کوٹلی لوہاراں(ڈسٹرکٹ رپورٹر، نمائندہ دنیا،نامہ نگار) خاتون کیساتھ بدتمیزی سے منع کرنے پر 3 افراد کی فائرنگ سے نوجوان قتل جبکہ مقتول کے ساتھی کی فائرنگ سے ایک ملزم بھی زخمی ہو گیا۔
تھانہ کوٹلی سید امیر کے علاقہ چک پتلیاں کے رہائشی قیصر محمود عبدالرحمن، علی رضا اور شمس الدین کے ہمراہ بال کٹوانے جارہے تھے ،راستے میں دانش ، عمران اور حسنین حملہ آور ہو گئے ،دانش نے فائرنگ کرنا چاہی تو معیز نے ملزم سے پستول چھینے کی کوشش کی تو ملزم نے فائرنگ کردی جسکے نتیجہ میں اسکا اپنا ساتھی حسنین زخمی ہو گیا، ملزم نے مزید فائرنگ کی تو گولی قیصر محمود کے چچازاد بھائی احمد کے سینے میں لگی جو جاں بحق ہو گیا۔ بتایا گیا ہے کہ دانش نے قیصر محمود کی چچی سے بدتمیزی کی تھی جسے ایسا کرنا سے منع کیاتھا اور اسی بات کی ملزم کو رنجش تھی۔پولیس نے مقدمہ درج کرکے تفتیش شروع کردی۔
