سٹی ٹریفک پولیس کے افسروں اور اہلکاروں کا دربار
گوجرانوالہ (کرائم رپورٹر)سٹی ٹریفک پولیس گوجرانوالہ کے افسر و اہلکاروں کا دربار،سی پی او محمد ایاز سلیم کی ہدایت پر سی ٹی او نے عائشہ بٹ نے دربار کا انعقاد کیا ۔۔۔
جس میں سی پی او محمد ایاز سلیم،ایس ایس پی آپریشن رضا تنویر ،ایس ایس پی انوسٹی گیشن رضوان طارق اور بیشتر افسر و اہلکاروں نے شرکت کی۔ سی پی او ،سی ٹی او نے بیشتر ٹریفک افسروں کے مسائل سنے اور فوری طور پر حل کئے جانے بارے احکامات صادر کئے ۔سی پی او گوجرانوالہ اور سی ٹی او گوجرانوالہ نے ٹریفک افسران سے خطاب کرتے ہوئے کہا کہ شہر بھر میں ٹریفک ڈیوٹی کو مؤثر طور پر سر انجام دیتے ہوئے شہریوں کو بہترین سروسز فراہم کی جائیں۔ نمایاں کارکردگی کے حامل سٹاف کو تعریفی اسناد اور نقد انعامات سے نوازا گیا۔ سی پی او گوجرانوالہ کا مزید کہنا تھا کہ تمام ٹریفک افسران اپنے ذاتی و سرکاری مسائل کے سلسلہ میں کسی بھی وقت ان سے رجوع کر سکتے ہیں۔تمام اہلکاران کی ویلفیئر کے لئے اقدامات اٹھائے جا رہے ہیں۔دربار کے اختتام پر تمام سٹاف کا شکریہ ادا کیا گیا، نیز دربار میں تمام افسران کے لئے کھانے کا انتظام کرتے ہوئے ان کی بھرپور حوصلہ افزائی کی گئی۔
