رکاوٹیں کے با عث مریض خوار ،شادی کی تقریبات متاثر
تتلے عالی(نامہ نگار)پی ٹی آئی کا احتجاج شاہراہوں پر رکاوٹیں شہری و مسافر،مریض خوار ،شادی بیاہ کی تقریبات متاثر،سبزی فروٹ کی قیمتوں میں اضافہ ہوگیا ۔
بانی پی ٹی آئی کی جانب سے 24نومبر کو احتجاج کی کال پرانتظامیہ کی جانب سے کارروائیوں میں پانچ کارکن گرفتار کئے گئے ہیں، ممکنہ گرفتاریوں سے بچنے کیلئے ٹکٹ ہولڈر،یونین کونسل سے تحصیل،ضلع کے عہدیدار زیر زمین چلے گئے جنہوں نے موبائل فون بند کرکے دوست احباب،گھر والوں سے رابطے منقطع کر د ئیے ہیں،بس ویگن اڈے ،ٹول پلازے ،پبلک ٹرانسپورٹ بند ،شاہراہوں پر جگہ جگہ رکاوٹوں کے باعث شادی بیاہ کی تقریبات متاثر اور مسافر مریض خوار ہوتے رہے جوکہ آئندہ دو روز تک بند رہنے کا بھی خدشہ ظاہر کیا جا رہا ہے ۔سڑکوں پر رکاوٹوں کی وجہ سے سبزی فروٹ منڈیوں میں نہیں پہنچ سکا جس کے باعث تتلے عالی اور اس کے نواحی علاقوں میں دکاندار باسی سبزی وفروٹ کی منہ مانگی قیمت وصول کر رہے ہیں۔
