وزیرآباد:کئی کلو میٹر پیدل سفر ، شہری خوار ہوتے رہے
وزیرآباد(نامہ نگار)تحریک انصاف کے احتجاج کو روکنے کیلئے وزیرآباد شہر کے تمام داخلی و خارجی راستوں کو رکاوٹیں کھڑی کر کے بند کر دیا گیا۔۔۔
پولیس کی کثیر تعداد تعینات رہی۔ پی ٹی آئی کے احتجاج کے پیش نظر وزیرآباد شہر کے تمام داخلی و خارجی راستوں کو رکاوٹیں کھڑی کر کے بند کر دیا گیا ، چناب ٹول پلازہ کو کنٹینرز لگا کر آمدورفت کیلئے مکمل بند کیا گیا ہے جی ٹی روڈ پر مولانا ظفر علی خان بائی پاس کو بھی رکاوٹیں لگا کر بند کیا گیا ہے جس سے گوجرانوالہ راہوالی گکھڑ سے وزیرآباد پہنچنا ناممکن ہو گیا ہے دوسری جانب سیالکوٹ سمبڑیال اگوکی کی جانب سے آنے والے راستوں کو وزیرآباد میں پکی گرھی کے مقام پر رکاوٹیں کھڑی کر کے بند کیا گیا اور پولیس کی بھاری نفری تعینات کر دی گئی ،راستوں کی بندش سے شہریوں کو مشکلات کا سامنا کرنا پڑا اور کئی کئی کلو میٹر پیدل چل کر اپنی منزل پر جانا پڑا۔
