بلاتفریق عوامی مسائل کاحل میری ترجیح:نصیرعبا س
گجرات (نامہ نگار،سٹی رپورٹر)مسلم لیگ ن گجرات کے رہنما،ممبرقومی اسمبلی نصیرعبا س سدھو سے سابق ٹکٹ ہولڈرمسلم لیگ ن سیف الرحمن بھٹی۔۔۔
چیئرمین اقبال چک ا خلاص، خالد ہنج ودیگرمعززین علاقہ نے گزشتہ روزڈیرہ سدھ پرخصوصی ملاقاتیں کرتے ہوئے انہیں علاقائی مسائل سے آگاہ کرتے ہوئے جاری تعمیراتی کاموں پرانہیں زبردست الفاظ میں خراج تحسین پیش کیا، شرکا سے گفتگوکرتے ہوئے ایم این اے نصیرعباس سدھو نے کہاکہ بلاتفریق وامتیازعوامی مسائل کاحل میری ترجیح ہے ،انشا اﷲ عمائدین حلقہ کوگھرکی دہلیزپرسہولیات ملنے کیساتھ دیرینہ مسائل بھی ترجیحی بنیادوں پرحل کر ائیں گے ،نصیرعباس سدھو نے کہاکہ مسلم لیگ ن کی مرکزی قیادت قائد میاں محمدنوازشریف، وزیراعظم میاں شہبازشریف کے اقدامات سے ملک ترقی کی راہ پرگامزن ہوچکا مگرانتشاری ٹولے سے یہ بہتری بھی ہضم نہیں ہورہی، احتجاج اوریلغار سے کسی قیدی کورہا نہیں کرایاجاسکتا ،ذاتی مقاصد کے حصول کیلئے مفاد پرست نوجوانوں کے مستقبل سے کھیل رہے ہیں۔ ، جب بھی پاکستان کے آگے بڑھنے کی بات ہوتی ہے تو ان کوفساد یاد آجاتاہے ،انہوں نے کہاکہ آج سیاست کوگالی بناکررکھ دیاگیاہے ، انہوں نے کہاکہ ہمیں تو ملک بحرانوں میں ملا لیکن محنت ولگن سے ملک کونہ صرف ڈیفالٹ ہونے سے بچایا بلکہ عوام کوڈلیوربھی کیا۔
