گجرات:ڈپٹی کمشنر کا میونسپل سکول فار بوائز مسلم آباد کا دورہ
گجرات (نامہ نگار،سٹی رپورٹر )ڈپٹی کمشنر گجرات صفدر حسین ورک نے گورنمنٹ میونسپل سکول فار بوائز مسلم آباد کا دورہ کیا۔
انہوں نے سکول کے مختلف حصوں بشمول کلاس رومز، سبزہ زار، اور دیگر سہولیات کا معائنہ کیا۔ڈپٹی کمشنر نے طلبہ سے ملاقات کی اور ان سے تعلیمی کارکردگی، نصابی سرگرمیوں، اور سکول کے ماحول کے بارے میں دریافت کیا۔ انہوں نے اساتذہ کی کارکردگی کو سراہتے ہوئے کہا کہ تعلیمی معیار کو مزید بہتر بنانے کے لیے ہر ممکن اقدامات کیے جائیں گے ۔انہوں نے سکول انتظامیہ کو ہدایت کی کہ طلبہ کو معیاری تعلیم فراہم کرنے کے ساتھ ساتھ ان کی ہم نصابی سرگرمیوں میں شرکت کو بھی یقینی بنایا جائے ۔
روزنامہ دنیا ایپ انسٹال کریں
