کامونکے :پولیس نے 6روز بعد جی ٹی روڈ ٹریفک کیلئے کھول دی
کامونکے (تحصیل رپورٹر )پولیس نے 6 روزجی ٹی روڈ بلاک کرنے کے بعد ٹریفک کیلئے کھول دی ،شہریوں کا اظہار تشکر۔۔۔
پی ٹی آئی کے کارکنوں کو اسلام آباد جانے سے روکنے کیلئے پولیس نے جی ٹی روڈ کامونکے کو تین مقامات سٹی چوک، سادھوکی اور ٹول پلازہ پر رکاوٹیں کھڑی کرکے ٹریفک کو جام کر رکھا تھا جس کی وجہ مسافروں کو شدید مشکلات کا سامنا کرنا پڑ رہا تھا ،گزشتہ روز پولیس نے رکاوٹیں ختم کردیں اور ٹریفک کو بحال کردیا تو مسافروں نے اظہار تشکر کیا ، سبزیوں سے بھرے ٹرک منڈی میں پہنچنے پر منڈی کی سرگرمیاں بحال ہوگئیں۔
روزنامہ دنیا ایپ انسٹال کریں
