کامونکے :ڈاکوؤں نے نقدی،زیورات،موبائل چھین لئے
کامونکے (نامہ نگار )ڈکیتی کی تین مختلف وارداتوں میں لاکھوں روپے نقدی،طلائی زیورات اور موبائل فونز لوٹ لئے گئے ۔
گزشتہ رات ونڈالہ سندھواں کا عاطف اقبال فیملی کے ہمراہ کار پر لاہورسے واپس آرہا تھا کہ نت کالر چوک میں ناکہ لگائے موٹر سائیکل سوار تین ڈاکوؤں نے اُنہیں روک لیا اور اسلحہ کے زور پر عاطف اوراُسکی اہلیہ سے ایک لاکھ پینتیس ہزارروپے ،چار تولے طلائی زیورات اور تین موبائل فون چھین کر لے گئے ۔موضع سالار کے رانا سربلند ایڈووکیٹ کے گھر داخل ہوکر تین ڈاکو ہزاروں روپے نقدی اور موبائل فونز چھین کر لے گئے جبکہ گوجرانوالہ کے سوئی گیس ملازم غلام سرور سے موضع نت کالر میں موٹر سائیکل سوار دو ڈاکو بیس ہزارروپے چھین کر فرار ہوگئے ۔پولیس نے مقدمات درج کر لئے ہیں ۔دریں اثنا گزشتہ رات نواحی گاؤں دھینسر پائیں کے محنت کش یعقوب مسیح کے گھر کے تالے توڑ کر چور واشنگ مشین،تین سلنڈر،استری اور دیگر قیمتی گھریلو سامان چوری کرکے لے گئے ۔
