راولپنڈی:چوری، ڈکیتی، منشیات فروشی میں ملوث 24 ملزم گرفتار
راولپنڈی(خبرنگار)راولپنڈی پولیس نے چوری، ڈکیتی، منشیات فروشی میں ملوث 24 ملزمان گرفتار کرلئے۔ رتہ امرال پولیس نے ڈکیتی کی وارداتوں میں ملوث کاشی گینگ کے 6 ملزمان کو گرفتار کرلیا۔۔۔
ملزمان میں ارباب، عمران، احمد، فرحت، ماجد اور امجد شامل ہیں، ملزمان سے چھینا گیا موٹر سائیکل اور 66 ہزار روپے اور اسلحہ بھی برآمد کیا گیا۔ تھانہ سٹی پولیس نے شکیل احمد سے 1 کلو 400 گرام چرس، نیوٹاؤن پولیس نے منیر اختر سے 1 کلو 800 گرام چرس، کہوٹہ پولیس نے سیف اﷲ سے 1 کلو 200 گرام چرس، دھمیال پولیس نے نعیم سے 540 گرام چرس، بنی پولیس نے حفیظ سے 5 لٹر، نیوٹاؤن پولیس نے ملزم نورالبصر سے 15 لٹر، ویسٹریج پولیس نے ملزم ساغر سے 5 لٹر شراب برآمد کی۔ گنجمنڈی پولیس نے نعیم سے پستول، ذاکر اﷲ سے پستول، نیوٹاؤن پولیس نے علی حمزہ سے پستول، صادق آباد پولیس نے عمران منظور سے پستول ، احتشام سے پستول ، عبیداﷲ سے پستول ، دھمیال پولیس نے افضال سے ایک کلاشنکوف، عثمان سے ایک رائفل ، چکری پولیس نے عامر شہزاد سے پستول، کلرسیداں پولیس نے اسد سے پستول برآمد کرکے مقدمات درج کر لیے۔
