قتل،اقدام قتل،منشیات فروشی ، قمار بازی میں ملوث 25ملزم گرفتار
راولپنڈی ( خبر نگار ) راولپنڈی پولیس نے قتل،اقدام قتل،منشیات فروشی،شراب سپلائی،غیر قانونی اسلحہ اور قمار بازی میں ملوث 25ملزمان گرفتار کر لئے ۔
ٹیکسلا پولیس نے فائرنگ کر کے ایک شخص کو قتل اور خواتین سمیت دیگر افراد کو زخمی کرنے والے مرکزی اشتہاری مجرم امجدکو گرفتار کرلیا،اشتہار ی نے اعجاز کو قتل اور دیگرکو زخمی کر دیا تھا ۔صادق آباد پولیس نے فوزیہ سے 1 کلو 200 گرام ہیروئن، واہ کینٹ پولیس نے احسن سے 2 کلو 200 گرام چرس، بنی پولیس نے یوسف سے 530 گرام چرس برآمد کی۔وارث خان پولیس نے سٹریٹ کرائم میں ملوث 2رکنی گینگ کو گرفتار کرلیا، ملزمان میں ذیشان اوربسم اﷲ شامل ہیں۔ وارث خان پولیس نے 6قماربازوں کو گرفتار کرلیا، ملزمان میں سلیم، مظفر، آصف، قیوم، تنویر اور اظہر شامل ہیں ۔بنی پولیس نے جمشید سے 5 ، صادق آباد پولیس نے نعمان سے 10، منصور سے 15، مدثر سے 10، ویسٹریج پولیس نے بلال سے 5، ظفر سے 5، جاتلی پولیس نے غلام مرتضیٰ سے 10، صدر بیرونی پولیس نے ثاقب سے 5لٹر شراب برآمد کی ۔ وارث خان پولیس نے ذیشان سے پستول، سمیع اﷲ سے پستول، صادق آبا دپولیس نے سحروش سے پستول، آراے بازار پولیس نے آصف سے پستول، ریس کور س پولیس نے حمزہ سے بھی ایک پستول برآمد کیا ۔تمام مقدما ت درج کر لیے گئے ۔
