این ڈی یو سعودیہ کے وفد کا دورہ نسٹ ،تعلیمی امور پر گفتگو
اسلام آ باد ( دنیا رپور ٹ )نیشنل ڈیفنس یونیورسٹی سعودی عرب کے پندرہ رکنی وفد نے وار کالج کے کمانڈنٹ میجر جنرل بدر بن منیف العتابی کی سربراہی میں نیشنل یونیورسٹی آف سائنسز اینڈ ٹیکنالوجی (نسٹ ) کا دورہ کیا۔
وفد کا استقبال ریکٹر نسٹ لیفٹیننٹ جنرل جاوید محمود بخاری نے کیا۔ وفد کو نسٹ کے مختلف پہلوؤں پر بریفنگ دی گئی،ا س موقع پر تعلیمی امور پر تبادلہ خیال کیا گیا ۔وفد نے انٹرنیشنل ایسوسی ایشن آف پیس کیپنگ ٹریننگ سینٹر کی 28ویں سالانہ کانفرنس میں بھی شرکت کی، اس کے بعد وفد کو 28ویں IAPTC اراکین کے لئے منعقدہ ایکسپو کا دورہ کرایا گیا۔ وفد نے نسٹ کی مختلف تعلیمی اور تربیتی سرگرمیوں میں گہری دلچسپی کا اظہار کیا ۔
روزنامہ دنیا ایپ انسٹال کریں
