میٹرو بس ڈرائیور کی جلد بازی،4 سالہ پھول کی زندگی کا چراغ گل کردیا
اسلام آ باد ( دنیا نیوز ) ڈرا ئیور کی جلد بازی نے معصوم کی جان لے لی، راولپنڈی میں لیاقت باغ میٹرو سٹیشن کے قریب میٹرو بس نے 4 سالہ معصوم بچے کو ٹائر کے نیچے کچل دیاجو والدین کے سامنے دم توڑ گیا ۔
جاںبحق بچے کی شناخت چار سالہ ریحان کے نام سے ہوئی ہے ۔بچے کے جاں بحق ہونے کے بعد میٹرو بس انتظامیہ موقع سے غائب ہوگئی۔ بچے کے والدین غم سے نڈھا ل ہیں ، بچے کی لاش بڑی دیر تک میٹرو بس سٹیشن پر پڑی رہی ،بچہ اپنے والدین کے ہمراہ بس سے اتررہا تھا کہ ڈرا ئیور نے بس چلادی ،ا س دوران بچہ گر کر میٹرو بس کے نیچے آگیا۔بچے کی عمر چار سال تھی اور وہ امر پورہ راولپنڈی کا رہا ئشی تھا ، بس کا ڈرائیور گاڑی مو قع پرچھوڑ کر فرار ہو گیا ، تھانہ وارث خان پولیس نے موقع پر پہنچ کر واقعہ کی تحقیقات شروع کردیں ۔
روزنامہ دنیا ایپ انسٹال کریں
