ہوائی فائرنگ،منشیات فروشی، غیر قانونی اسلحہ رکھنے پر 16ملزم گرفتار
راولپنڈی (خبرنگار)راولپنڈی پولیس نے ہوائی فائرنگ،منشیات فروشی،شراب سپلائی اور غیر قانونی اسلحہ میں ملوث 16ملزمان کو گرفتار کر لیا۔ واہ کینٹ پولیس نے ہوائی فائرنگ کرنے والے طیب کو گرفتار کر کے پستول برآمد کیا ۔
صدر واہ پولیس نے احمد رضوان سے ایک کلو 650 گرام چرس ، جاتلی پولیس نے عمر سلطان سے ایک کلو 480 گرام چرس، مبین سے 560 گرام چرس، واہ کینٹ پولیس نے عاقب سے 540 گرام چرس برآمد کی ۔ پیرودہائی پولیس نے فیصل سے 10 ، عبد الواحد سے 5 ، ندیم سے 5 ، آر اے بازار پولیس نے یوسف سے 20، ریس کورس پولیس نے دلاور سے 5، جاتلی پولیس نے عثمان سے 5 لٹر شراب برآمد کی ۔ وارث خان پولیس نے طلحہ سے پستول، ویسٹریج پولیس نے زاہد سے پستول ، عبدالغفار سے پستول ، صدر واہ پولیس نے سجاد سے پستول ، گوجر خان پولیس نے سعد اﷲ سے بھی ایک پستول برآمد کرکے الگ الگ مقدمات درج کرلیے ۔
