یونین بحالی، گورڈن کالج سے طلبا نے احتجاجی ریلی نکالی
راولپنڈی (خصوصی نامہ نگار) طلباء نے یونین کی بحالی کے حوالے سے احتجاجی ریلی گورڈن کالج روڈ سے پریس کلب تک نکالی جس کی قیادت اسلامی جمعیت طلباء راولپنڈی شہر کے ناظم احسن ممتاز اور دیگر نے کی۔۔۔
طلباء رہنماؤں نے ریلی کے شرکاء سے خطاب کرتے ہوئے کہا کہ اگر جمہوریت کے دعویدار حکمرانوں نے ہمارے پر امن احتجاج پر کان نہ دھرے تو ہم طلبہ کے حقوق کے حصول کے لیے راست اقدام سے دریغ نہیں کریں گے ۔ تعلیمی اداروں میں کرپشن اور اقربا پروری مزید نہیں چلنے دینگے ۔ قومی اور نظریاتی تنظیموں کا راستہ روک کر من پسند لسانی و علاقائی گروپوں کی سرپرستی ملکی سالمیت کیلئے زہر قاتل ہے ، یونین سازی طلبہ کا جمہوری و آئینی حق ہے جو حاصل کر کے رہیں گے ۔
روزنامہ دنیا ایپ انسٹال کریں
