بی آئی ایس پی سنٹر میں شکایات کا ازالہ کردیا،اشرف صالح
کہروڑپکا(نمائندہ دنیا )بے نظیر انکم سپورٹ پروگرام کے سینٹر میں معاملات کو درست کر دیا ہے شکایات کا ازالہ بھی کیا جا رہا ہے،۔
ہفتہ صحت سے مریضوں کو ریلیف مل رہا ہے ۔ان خیالات کا اظہار اسسٹنٹ کمشنر محمد اشرف صالح نے میڈیا سے گفتگو کرتے ہوئے کیا ۔انہوں نے بتایا کہ گورنمنٹ ماڈل ہائی سکول میں بے نظیر انکم سپورٹ پروگرام کے عملے اور پرائیویٹ لوگوں کی مداخلت کے حوالے سے شکایات موصول ہوئیں انچارج سینٹر کو سختی سے ہدایات کر دی ہیں کہ میرٹ پر عمل درآمد کو یقینی بنایا جائے خواتین کو بیٹھنے پینے اور دیگر سہولیات فراہم کی جائیں ۔دریں اثنا انہوں نے بیسک ہیلتھ یونٹ مسہ کوٹھہ کا دورہ بھی کیا ادویات ڈیوٹی روسٹر صفائی کا انتظام اور حاضری چیک کی ۔انہوں نے کہا کہ ہفتہ صحت سے مریضوں اور شہریوں کو طبی امداد باہم پہنچائی جا رہی ہیں اور انہیں ریلیف مل رہا ہے ۔
روزنامہ دنیا ایپ انسٹال کریں
