کچھی کینال منصوبے کے اصل ہیرو نوازشریف ہیں: وزیراعظم
تونسہ شریف:(دنیا نیوز)وزیر اعظم محمد شہباز شریف نے کہا ہے کچھی کینال منصوبے کے اصل ہیرو نوازشریف ہیں۔
کچھی کینال کی بحالی کی افتتاحی تقریب سے خطاب کرتے ہوئے محمد شہباز شریف کا کہنا تھا کہ مشرف دورمیں کچھی کینال منصوبےکا بیڑہ غرق کیا گیا، مشرف دورمیں غریب قوم کا پیسہ برباد ہوا، سابق وزیراعظم نوازشریف کے دور میں اس منصوبے کا آغازہوا۔
انہوں نے کہا کہ اس منصوبےکےاصل محسن نوازشریف ہیں، کچھی کینال کو2022کےسیلاب سےبہت نقصان ہوا، کچھی کینال کےدوسرے مرحلےکو بھی مکمل کریں گے، منصوبے کے اگلے مرحلے کو مکمل کرنے کے لیے وسائل فراہم کریں گے۔
شہبازشریف کا کہنا تھا پنجاب میں کینسرہسپتال کی تعمیرجاری ہے، پنجاب میں مریم نوازدن رات محنت کررہی ہیں، وزیراعلیٰ پنجاب کی محنت کےثمرات جلد صوبے کےعوام کو ملیں گے۔
انہوں نے مزید کہا کہ سعودی عرب نےہرمشکل وقت میں پاکستان کا ساتھ دیا،کچھی کینال کی بحالی پر بلوچستان اور پنجاب کے وزرائے اعلیٰ کو مبارکباد پیش کرتا ہوں، وزیراعلیٰ بلوچستان کی ذاتی کاوشوں سے کچھی کینال کی بحالی کا مرحلہ مکمل ہوا۔
