کتے کی مالک کے ساتھ پیراگلائیڈنگ، ویڈیو سوشل میڈیا پر وائرل
کھٹمنڈو: (ویب ڈیسک) پیراگلائیڈنگ کے شوقین انسان تو ہیں ہی لیکن اب جانور بھی اس سے لطف اندوز ہو رہے ہیں۔
نوجوانوں میں پیرا گلائیڈنگ کا شوق بڑھتا جارہا ہے جس کی ویڈیوز سوشل میڈیا پر وائرل ہوتی ہیں لیکن ان دنوں سوشل میڈیا پر ایک ایسی ویڈیو وائرل ہے جسے دیکھنے والے حیرت میں مبتلا ہورہے ہیں۔
یہ ویڈیو ایک پالتو کتے کی ہے جو اپنے مالک کے ساتھ پیراگلائیڈنگ کرتے ہوئے آسمان کی سیر کا لطف اٹھا رہا ہے، سوشل میڈیا پر ویڈیو وائرل ہونے کے بعد صارفین کی جانب سے مختلف تبصروں کا سلسلہ جاری ہے۔
دوسری جانب سوشل میڈیا صارفین کی جانب سے کتے کے مالک کو بے زبان جانور کی جان خطرے میں ڈالنے پر تنقید کا نشانہ بھی بنایا جارہا ہے۔
