بنوں: نامعلوم افراد کی گاڑی پر فائرنگ، قبائلی رہنما سمیت 4 افراد جاں بحق
بنوں: (دنیا نیوز) بنوں کے علاقے جانی خیل میں نامعلوم افراد کی گاڑی پر فائرنگ سے قبائلی رہنما سمیت 4 افراد جاں بحق ہو گئے۔
پولیس ذرائع کے مطابق فائرنگ کا واقعہ جانی خیل کے نواحی علاقے سین تنگہ ویکی میں پیش آیا جہاں نامعلوم افراد نے چلتی گاڑی پر فائرنگ کی، فائرنگ کے نتیجے میں خاتون سمیت 4 افراد جاں بحق ہو جن کی شناخت ملک شادی خیل، عجب خان ، اجمل سے ہوئی ہے۔
ذرائع کا مزید بتانا ہے کہ فائرنگ کے واقعہ میں خاتون اور بچوں سمیت 4 افراد زخمی بھی ہوئے، ریسکیو اہلکاروں نے مقتولین کی نعشوں اور زخمیوں کو ہسپتال منتقل کردیا گیا ہے جبکہ واقعہ کی تحقیقات جاری ہیں۔
