حویلی لکھا میں پولیس مقابلہ، ایک ڈاکو ہلاک، 2 فرار
اوکاڑہ: (دنیا نیوز) تھانہ حویلی لکھا میں پولیس مقابلہ کے دوران ایک ڈاکو ہلاک جبکہ دو فرار ہوگئے۔
پولیس حکام نے بتایا کہ ڈاکو رات کے اندھیرے میں لوٹ مار کر رہے تھے، واردات کی اطلاع ملی تو پولیس موقع پر پہنچی، ڈاکوؤں نے پولیس کو دیکھتے ہی اندھا دھند فائرنگ شروع کر دی۔
جوابی کارروائی میں ایک ڈاکو موقع پر مارا گیا جبکہ 2 ڈاکو اندھیرے کا فائدہ اٹھا کر فرار ہوگئے، ہلاک ڈاکو کے قبضے سے موٹر سائیکل اور اسلحہ برآمد کر لیا گیا۔
