کراچی: معمولی جھگڑے پر دوست نے گھر آئے دوست کو فائرنگ کرکے مار دیا
کراچی: (دنیا نیوز) دوست نے معمولی جھگڑے پر گھر آئے دوست کو فائرنگ کرکے موت کے گھاٹ اتار دیا۔
پولیس حکام کے مطابق کورنگی کے علاقے 3 نمبر میں شاہ زیب نامی نوجوان کے گھر میں محلے کے چار سے پانچ دوست بیٹھے ہوئے تھے، اس دوران جھگڑے میں شاہ زیب نے سفیان کو فائرنگ کر کے قتل کر دیا اور موقع سے فرار ہوگیا جبکہ گھر میں موجود دیگر دوست بھی منظر عام سے غائب ہوگئے جن کی تلاش کیلئے چھاپے مارے جارہے ہیں۔
ابتدائی تحقیقات میں شبہ ہے کہ مقتول اور ملزم کے دوران کسی بات پر جھگڑا ہوا جس کے باعث یہ واقعہ پیش آیا، ملزم کی گرفتاری اور دیگر دوستوں کے سامنے آنے پر ہی وجہ کا تعین ہو سکے گا۔
پولیس نے ملزم کی تلاش اور واقعہ کی مزید تفتیش شروع کر دی۔
