گجرات: دیہاتوں کے وحشیانہ تشدد سے ایک ڈاکو ہلاک، 2 شدید زخمی، 3 فرار
گجرات: (دنیا نیوز) دیہاتوں نے وحشیانہ تشدد کرکے ایک ڈاکو کو مار دیا جبکہ 2 شدید زخمی اور 3 فرار ہوگئے۔
پولیس کے مطابق 6 ڈاکو کریانہ شاپ میں لوٹ مار کر رہے تھے کہ مزاحمت پر ڈاکوؤں نے دکاندار کو گولی مار دی، کھاریاں کے زخمی دکاندار نے دلیری کا مظاہرہ کرتے ایک ڈکیت کو پکڑ لیا، دیہاتیوں کے اکٹھا ہونے پر مزید دو ڈاکو ایک گھر میں جا گھسے دیہاتوں نے ان کو بھی پکڑ لیا۔
پولیس حکام نے مزید بتایا کہ پولیس کے پہنچنے سے پہلے وارداتوں سے تنگ دیہاتیوں نے لاتوں، مکوں، گھونسوں، ڈنڈوں سے ایک ڈاکو کو مار ڈالا، دو ڈاکوؤں کو مار کر ادھ موا کر دیا، پکڑے گئے زخمی دو ڈاکوؤں میں سے ایک کی حالت نازک ہے۔
