شادی کی تقریب میں دلہا کا طویل روپوں کا ہار مہمانوں کی توجہ کا مرکز بن گیا
بھکر: (ویب ڈیسک) صوبہ پنجاب کے ضلع بھکر میں شادی کی تقریب میں دلہا کا طویل روپوں کا ہار مہمانوں کی توجہ کا مرکز بن گیا۔
رپورٹ کے مطابق بھکر میں ایک شادی کی تقریب میں دلہا کے لیے 35 فٹ لمبا کرنسی نوٹوں کا ہار تیار کر لیا گیا۔
بھکر میں کوٹلہ جام کے رہائشی نے اپنے بھائی کی شادی میں تحفہ دینے کے لیے کرنسی نوٹوں کا 35 فٹ لمبا ہار تیار کرایا ہے۔
بتایا گیا ہے کہ 35 فٹ لمبے نوٹوں کے ہار کی مالیت ایک لاکھ روپے ہے، 35 فٹ لمبے ہار میں 75 روپے کے 200 نوٹ اور 50 روپے کے 1700 نوٹ لگائے گئے ہیں۔
