کراچی: لانڈھی میں پولیس کی کارروائی ، 4 منشیات فروش گرفتار
کراچی: (دنیانیوز) کراچی کے علاقے لانڈھی میں پولیس نے کارروائی کرتے ہوئے 4 منشیات فروش گرفتار کر لیے ۔
پولیس کے مطابق گرفتار ملزمان کی شناخت احسان، اسامہ ،ناصر عرف راجو اورحق نواز کے نام سے ہوئی ، ملزمان سے 59 گرام چرس،263پیکٹ مضر صحت تیار گٹکا ماوا برآمد ہوا ۔
ایک اور کارروائی عوامی کالونی میں کی گئی جس کے نتیجے میں 2ملزمان گرفتار کرلیے گئے ، گرفتار ملزمان کی شناخت محمد وقاص الدین اور محمد اویس کے نام سے ہوئی ۔
پولیس کے مطابق کارروائی کےدوران 70 پیکٹ مضر صحت تیار گٹکا ماوا برآمد کیاگیا، گرفتار ملزمان کے خلاف مقدمات درج کرتے ہوئے مزید کارروائی کے لیے شعبہ تفتیش کے حوالے کر دیاگیا۔
