شکارپور: پولیس مقابلے میں فریدو تیغانی گینگ کا سربراہ ہلاک
شکارپور: (دنیا نیوز) پولیس مقابلے میں فریدو تیغانی گینگ کا سربراہ ہلاک ہوگیا۔
پولیس ذرائع کے مطابق ناپرکوٹ تھانے کی حدود میں ڈاکوؤں نے بیر پولیس چوکی پر حملہ کردیا، فائرنگ تبادلے میں فریدو تیغانی گینگ کا سربراہ فرید تیغانی ہلاک جبکہ ساتھی ڈاکو کوزخمی حالت میں گرفتار کرلیا گیا۔
ایس ایس پی شکار پور کے مطابق ہلاک ڈاکو شہید پولیس اہلکار کو شہید کرنے سمیت 33 سنگین مقدمات میں مطلوب تھا، کچے میں گزشتہ 25 روز سے جاری آپریشن میں 12 ڈاکو ہلاک جب کہ 45 زخمی ہو چکے۔
