کراچی: سرجانی ٹاؤن میں رینجرز و پولیس کی کارروائی، 3 ملزمان گرفتار
کراچی: (دنیانیوز) کراچی کے علاقے سرجانی ٹاؤن میں رینجرز اور پولیس نے کارروائی کر کے 3 ملزمان کو گرفتار کر لیا۔
ترجمان رینجرز کے مطابق گرفتار ملزمان ڈکیتی، اسٹریٹ کرائم، اسلحہ کے زور پر نقدی اور موبائل فون چھیننے کی متعدد وارداتوں میں ملوث ہیں۔
ترجمان رینجرز نے بتایا کہ ملزمان سے اسلحہ، 3 چوری شدہ موبائل فون اور جعلی نمبر پلیٹ والی موٹر سائیکل برآمد ہوئی۔
ترجمان کاکہناہےکہ ملزمان کے خلاف مختلف تھانوں میں متعدد ایف آئی آرزدرج ہیں، گرفتار ملزمان کو بمعہ اسلحہ و ایمونیشن اور مسروقہ سامان مزید قانونی کارروائی کے لیے پولیس کے حوالے کر دیا گیا۔
