انجمن پٹواریاں مری کے اجلاس میں سینئر پٹواری گتھم گتھا
مری(نمائندہ دنیا)انجمن پٹواریان کا اجلاس میں سینئر پٹوراری آپس میں گتھم گتھا، ایک دوسرے پر تبادلوں میں بھاری لین دین کا الزام، تحصیلدار مری اور ایک گرداور کے گٹھ جوڑ سے۔۔۔
نجی ہاؤسنگ سوسائٹی کے ساتھ زمینوں کی خریدو فروخت کا بھی انکشاف ہوا ، ضلعی صدر کی صدارت میں مری ایکسپریس وے کھجٹ کے مقام پر انجمن پٹواریان ضلع مری کا اجلاس منعقد ہوا جس میں عہدیداروں اور سینئر پٹواریوں ممتاز علی، ساجد ، ارشد محمود ، تنویر احمد ، عشرت نواز ، اعجاز احمد ، عابد ، نعیم قریشی و دیگرنے شر کت کی ،تلخ کلامی پر ممتاز علی نے گرداور ساجد پر کانچ کا جگ مار دیا جس سے معاملہ ہاتھ پائی تک پہنچ گیا ، اس دوران متعدد پٹوراری زخمی ہو گئے، ایک پٹواری نے کہا جب کبھی ضلعی انتظامیہ کے پروگرام ہوتے ہیں انکے تمام اخراجات ہمیں برداشت کرنا پڑ تے ہیں ، تحصیلدار مری کے خلاف بھی شدید احتجاج کیا گیا اور ایک سینئر پٹوا ری نے معاملہ میڈیا پر لانے کا بھی اظہار کیا۔
