پی او ایف کی کراچی میں منعقدہ آ ئیڈیاز2024نمائش میں شر کت
اسلام آباد(دنیارپور ٹ) پاکستان آرڈننس فیکٹریز نے آئیڈیاز 2024 میں بھرپور شرکت کی۔ 4روزہ نمائش 19 سے 22 نومبر تک کراچی میں جاری رہی۔
سٹال پر پی او ایف کی وسیع رینج نمائش کے لئے پیش کی گئی۔ وزیردفاع خواجہ محمد آصف، وفاقی وزیر دفاع و دفاعی پیداوار اور لیفٹیننٹ جنرل محمد چراغِ حیدر، ہلال امتیاز (ملٹری) نے پی او ایف سٹال کا دورہ کیا۔ جنرل ساحر شمشاد مرزا نشان امتیاز (ملٹری),چیئر مین جوائنٹ چیفس آف سٹاف کمیٹی اور جنرل عاصم منیر نشان امتیاز (ملٹری)، چیف آف آرمی سٹاف نے بھی پی او ایف سٹال کا دورہ کیا۔لیفٹیننٹ جنرل طاہر حمید شاہ، ہلال امتیاز (ملٹری)چیئر مین پی او ایف بورڈ نے مہمانوں کا استقبال کیا اور انہیں موجودہ اور مستقبل کے منصوبوں سے متعلق آگاہ کیا۔ پی او ایف کی 155 ایم ایم ایمونیشن کی پیداواری صلاحیت بڑھانے کے لئے ترکیہ کی ریپکان مشینز اینڈ ٹولز انڈسٹریز سے معاہدہ بھی طے پایا ، اس کے علاوہ پی او ایف نے پہلے فلیگ شپ سٹور کا بھی افتتاح کیا جہاں پی او ایف کی پراڈکٹس ڈسپلے کی جائیں گی۔
