پیپلز پارٹی یوم تاسیس، سیمینار اور ریلیاں منعقد کرنیکا فیصلہ
راولپنڈی (خصوصی نامہ نگار) پاکستان پیپلز پارٹی پنجاب کے نائب صدر ملک خالد نواز بوبی نے کہا پیپلز پارٹی کے 30 نومبر کو یوم تاسیس کی تیاریاں مکمل کی جارہی ہیں۔۔۔
گلی گلی اور ہر محلہ، یوسی، تحصیل و ضلع میں پرچم لہرائے جائیں گے، اضلاع کی سطح سیمینارز اور ریلیاں منعقد کی جائیں گی، بلاول بھٹو کا وڈیو خطاب بھی ہو گا۔ ان خیالات کا اظہار انہوں نے عبداللہ سیف کی پرچم لہراؤ اور یوم تاسیس کی تیاریوں کے حوالے سے تقریب سے خطاب کرتے ہوئے کیا۔ اس موقع پر سردار اظہر، حمید درانی، ملک عاشر حیات، مظہر بابر، طارق قادری، شمروز سنبل، قاضی ایوب، آصف حیات خان، خالد خان، ملک غلام صابر مسعود، نجم ثاقب، اختر حسین اور دیگر بھی موجود تھے۔سردار اظہر، حمید درانی نے کہا پاکستان پیپلز پارٹی واحد جماعت ہے جس نے ہمیشہ غریب کی بات کی، عوام کی نظریں چیئرمین بلاول بھٹو زرداری پر ہیں وہی عوام کے دکھوں کو جان سکتے ہیں، آنے والا دور پی پی کا ہے۔
