پاکستان برطانیہ بزنس کونسل وفد کا دورہ زیڈ ٹی بی ایل ہیڈ آفس
اسلام آ باد ( دنیا رپور ٹ ) پاکستان برطانیہ بزنس کونسل کے ایک اعلیٰ سطح وفد نے زرعی ترقیاتی بینک ہیڈ آفس اسلام آباد کا دورہ کیا اور بینک کے صدر سی ای او سے ملاقات کی۔
وفد میں کونسل کے چیئرمین جان ٹکناٹ سی ایم جی ایم بی ای، چیف ایگزیکٹو/ٹریڈ چیمپئن راشد اقبال اور دیگر حکام شامل تھے ۔ فریقین نے پاکستان اور برطانیہ کے درمیان زراعت کو فروغ دینے ، خاص طور پر غذائی تحفظ اور موسمیاتی تبدیلی کے تناظر میں تعاون پر تبادلہ خیال کیا ۔ پی بی بی سی کے وفد نے زرعی ترقیاتی بینک کے اقدامات کی بھرپور تعریف کی، خاص طور پر ایک دستاویزی فلم میں چھوٹے کسانوں اور دیہی خواتین کے لیے مالی شمولیت کو فروغ دینے میں بینک کی کوششوں کو دکھایا گیا ، راشد اقبال نے زرعی ترقیاتی بینک کے ساتھ تعاون کو مزید بڑھانے میں PBBC کی دلچسپی کا اظہار کیا ۔ وفد اس وقت حکومت پاکستان کی دعوت پر کراچی میں آئیڈیاز ایکسپو میں شرکت کے لیے پاکستان کا دورہ کر رہا ہے ۔
