راولپنڈی میں موٹرسائیکلوں کیلئے مختص گرین لین فعال
راولپنڈی (خبرنگار) راولپنڈی میں موٹرسائیکل سواروں کیلئے مختص گرین لین متعارف کرا دی گئی، گلزارِ قائد سے اولڈ ایئرپورٹ روڈ اور فلائنگ کلب سے کورال، اولڈ ایئرپورٹ تک گرین لین فعال کی گئی ہے۔
سی ٹی او راولپنڈی بینش فاطمہ کے مطابق موٹرسائیکل سواروں کو صرف گرین لین استعمال کرنے کی ہدایت کی گئی ہے، گرین لین پر غیر ضروری لین بدلنے اور غلط اوور ٹیکنگ سے گریز کریں۔ گرین لین کے استعمال سے حادثات کی روک تھام اور ٹریفک روانی میں بہتری آئے گی۔ ٹریفک قوانین کی خلاف ورزی پر قانونی کارروائی کی جائے گی۔ گرین لین کا استعمال نہ کرنے والوں کے خلاف سخت قانونی کارروائی عمل میں لائی جائے گی۔ سٹی ٹریفک پولیس راولپنڈی شہریوں کے محفوظ سفر کیلئے ہر ممکن اقدامات کر رہی ہے۔
روزنامہ دنیا ایپ انسٹال کریں
