ہمارے پرچم کی خوبصورتی اقلیتوں کے بغیر ادھوری،مشال
اسلام آباد (دنیا نیوز) حریت رہنما یاسین ملک کی اہلیہ مشال ملک نے کہا کہ ہمارے پرچم کی خوبصورتی اقلیتوں کے بغیر ادھوری ہے۔ ایسٹر کے موقع پر میڈیا سے گفتگو کرتے ہوئے مشال ملک کا کہنا تھا کہ دنیا بھر میں افراتفری ہورہی ہے۔
ضرورت اس امر کی ہے کہ ہمارے درمیان رواداری ہو، انہوں نے کہا کہ سپریم کورٹ میں بھی مشہور جج کرسچن کمیونٹی سے ہی تھے، آپ آر ایس ایس کا ہندوستان دیکھ سکتے ہیں۔ نریندر مودی مساجد کو شہید اور مسلمانوں پر ظلم کر رہا ہے، دنیا میں مذہب کے نام پر شدت پسندی پائی جاتی ہے، ہندوستان میں ہمارے مسلمان اور کرسچن بھائی خوفزدہ ہیں۔ مشال ملک نے کہا کہ ایسٹر کے موقع پر دنیا میں امن کا پیغام جانا چاہیے، فلسطین اور کشمیر میں ظلم وبربریت جاری ہے۔
روزنامہ دنیا ایپ انسٹال کریں
