سنگین جرائم میں ملوث 20 اشتہاریوں سمیت 27 ملزم گرفتار
اسلام آباد(خصوصی رپورٹر)اسلام آباد پولیس نے سنگین جرائم میں ملوث 20 اشتہاری، عدالتی مفروروں اور سابقہ ریکارڈ یافتہ مجرموں سمیت 27 جرائم پیشہ افراد کو گرفتار کرلیا۔
ملزمان کے قبضے سے منشیات اور اسلحہ و ایمونیشن برآمد کر کے مقدمات درج کر لیے گئے۔ تھانہ شمس کالونی، تھانہ ویمن اور تھانہ سہالہ پولیس ٹیموں نے 7ملزم گرفتار کرکے ان سے 115گرام ہیروئن، 665 گرام آئس، مختلف بور کے 3پستول اور ایمونیشن برآمد کیا۔ اشتہاریوں اور عدالتی مفروروں کی گرفتاری کیلئے چلائی گئی خصوصی مہم کے دوران 20ملزم بھی گرفتار کیے گئے ہیں۔
روزنامہ دنیا ایپ انسٹال کریں
