جامعہ کراچی:24 شعبوں کی 1517 نشستوں پر داخلہ ٹیسٹ
کراچی (اسٹاف رپورٹر)جامعہ کراچی میں بی ای،بی ایس،بی ایڈ(آنرز)،بی ایس ان اسپورٹس بزنس مینجمنٹ(مارننگ پروگرام)اور۔۔۔
ڈاکٹر آف فارمیسی(مارننگ وایوننگ) پروگرام داخلے برائے سال 2024ء کے لئے داخلہ ٹیسٹ اتوار کو صبح 11 بجے جامعہ کراچی کے مختلف شعبہ جات میں قائم 22 امتحانی مراکزمیں منعقد ہوا۔ 24 شعبہ جات کی 1517 نشستوں پر داخلوں کے لئے 9044 داخلہ فارم جمع کرائے گئے جبکہ 8098 امیدواروں نے داخلہ ٹیسٹ میں شرکت کی۔ داخلہ ٹیسٹ کے نتائج جامعہ کراچی کی ویب سائٹ اور امیدواروں کے پورٹل پر 7 دسمبر تک اَپ لوڈ کردیئے جائیں گے۔ دریں اثناء جامعہ کراچی کے وائس چانسلر پروفیسر ڈاکٹر خالد محمودعراقی نے رجسٹرارجامعہ کراچی پروفیسر ڈاکٹر عبدالوحید، کراچی یونیورسٹی اسسمنٹ اینڈ ٹیسٹنگ سروس کی ممبر پروفیسر ڈاکٹر انیلا امبر ملک،انچارج ڈائریکٹوریٹ آف ایڈمیشنزجامعہ کراچی ڈاکٹر صائمہ اختر،رئیسہ کلیہ فنون وسماجی علوم پروفیسر ڈاکٹرشائستہ تبسم،مشیر امورطلبہ ڈاکٹرنوشین رضا،کیمپس سیکیورٹی ایڈوائزرڈاکٹر سلمان زبیر، سینئر میڈیکل آفیسر جامعہ کراچی ڈاکٹر وفاالطاف اورکراچی یونیورسٹی کے کنسلٹنٹ ڈاکٹر اکمل وحید اوردیگر کے ہمراہ مختلف امتحانی مراکز کا دورہ کیا اورانتظامات پر اطمینان کا اظہارکیا۔علاوہ ازیں طلبااور انکے والدین کی سہولت کے پیش نظر جامعہ کراچی کے تمام داخلی دروازوں پر پوائنٹس(بسوں) کی موجودگی کو یقینی بنایا گیا تھا۔
