بکروں کے مصنوعی دانت لگا کر بیچنے والے بیوپاری پکڑے گئے
کراچی(مانیٹرنگ ڈیسک)شہر قائد میں عید الاضحی سے قبل بیوپاریوں کا شہریوں کو چونا لگانے کا انکشاف ہوا ہے، بکروں کے مصنوعی دانت لگا کر بیچنے والے بیوپاری پکڑے گئے ۔
تفصیلات کے مطابق سمن آباد تھانے کے علاقے گلبرگ چورنگی پر بکروں کے مصنوعی دانت لگا کر بیچنے والے بیوپاری پکڑے گئے۔ شہریوں نے قریب موجود پولیس کو اطلاع کی۔ پولیس نے بیوپاریوں کو حراست میں لے لیا۔ حراست میں لیے گئے میاں بیوی اور بچوں پر مشتمل بیوپاری خاندان حیدرآباد سے بکرے لے کر کراچی آیا تھا۔ پولیس نے 7 بکرے تھانے منتقل کر دیئے اور بیوپاریوں سے مزید تفتیش کی جارہی ہے ، تاہم متاثرہ شہری کی جانب سے مزید قانونی کارروائی نہیں کی جارہی ہے۔
روزنامہ دنیا ایپ انسٹال کریں
