جیکب آباد میں غیر حاضری پر 410اہلکاروں کی تنخواہیں بند
جیکب آباد(نمائندہ دنیا)جیکب آباد میں ایپ پر غیر حاضر رہنے والے 410 اہلکاروں کی تنخواہیں بند کردی گئیں۔
تنخواہ سے محروم ہونے والوں میں 300 اہلکار، 71ہیڈ کانسٹیبل، 32ڈرائیور کانسٹیبل، 5لیڈی کانسٹیبل، 4ٹریکٹر کانسٹیبل اور1 لیڈی ہیڈ کانسٹیبل شامل ہے ۔ تفصیلات کے مطابق جیکب آباد میں پوائنٹ می ایپ میں غیر حاضر رہنے والے 410 اہلکاروں کی تنخواہیں بند کرنے کے احکامات جاری کردیے گئے ہیں،ایس ایس پی جیکب آباد کیپٹن (ر)صدام حسین خاصخیلی نے ایک لیٹر کے ذریعے ضلع جیکب آباد کے 410 اہلکاروں کی تنخواہیں روکنے کے احکامات جاری کردیے جن میں 300 اہلکار، 71ہیڈ کانسٹیبل، 32ڈرائیور کانسٹیبل، 5 لیڈی کانسٹیبل، 4ٹریکٹر کانسٹیبل اور 1لیڈی ہیڈ کانسٹیبل شامل ہیں، 410اہلکاروں کی تنخواہیں روکنے کے احکامات جاری ہونے کے بعد پولیس اہلکاروں میں کھلبلی مچ گئی۔
روزنامہ دنیا ایپ انسٹال کریں
