پولیس چیف کا دورہ،دفاعی نمائش کے سکیورٹی انتظامات کا جائزہ
کراچی(اسٹاف رپورٹر)ایڈیشنل آئی جی کراچی جاوید عالم اوڈھو نے کراچی میں منعقد ہونے والی نمائش آئیڈیاز 2024 کی سکیورٹی کے حوالے سے ائرپورٹ اور ایکسپو سینٹر کا دورہ کیا۔
اس موقع پران کے ہمراہ ایس ایس پیز اور پولیس کے دیگر افسران بھی موجود تھے ۔ایڈیشنل آئی جی کراچی نے ائر پورٹ اور ایکسپو سینٹر کے اطراف اور اندرونی و بیرونی سکیورٹی اقدامات کو بغور چیک کیا اور نمائش کے انعقاد کو پرامن بنانے ، غیر ملکی مندوبین اور عوام کے حوالے سے حفاظتی اقدامات کو مزید سخت کرنے کی ہدایات جاری کیں۔ ایکسپو سینٹر کی انتظامیہ سے پولیس چیف نے ملاقات کی اور سکیورٹی اقدامات کے حوالے سے تبادلہ خیال کیا گیا۔اس دوران ایکسپو سینٹر میں موجود مانیٹرنگ سیل کا بھی دورہ کیا۔
روزنامہ دنیا ایپ انسٹال کریں
