ٹریفک حادثات میں دو افراد جاں بحق ،مال بردار ٹرک گاڑی پر الٹ گیا
کراچی(اسٹاف رپورٹر)مختلف علاقوں میں ٹریفک حادثات میں 2 افراد جاں بحق،ایک شخص زخمی ہوگیا۔حادثات ڈیفنس فیز 05 اور کورنگی ویٹا چورنگی کے قریب ہوئے ریسکیو حکام کے مطابق ڈیفنس میں مزدہ بس اور کار میں تصادم ہوا ۔۔
واقعہ میں بس الٹ گئی جس کے نتیجے میں بس ڈرائیور حیدر علی جاں بحق جبکہ کار سوار زبیر زخمی ہوا۔ادھر کورنگی ویٹا چورنگی پر نامعلوم گاڑی کی ٹکر سے بائیک سوار 22 سالہ محسن رضا جاں بحق ہوگیا جاں بحق ہونے والے افراد کی لاشوں اور زخمی کو اسپتال منتقل کر دیا گیا۔دوسری جانب داؤد چورنگی پل پر مال بردار ٹرک گاڑی پر اُلٹ گیا جس کے باعث گاڑی مکمل تباہ ہوگئی تاہم گاڑی میں سوار شخص معجزانہ طور پر محفوظ رہا۔حادثہ کے باعث داؤد چورنگی روڈ پر ٹریفک کی روانی معطل ہوگئی۔پولیس کے مطابق حادثہ ٹرک کے بریک فیل ہونے کے باعث پیش آیا، ۔ حادثے میں محفوظ رہنے والے شخص کی شناخت علی کے نام سے کی گئی ۔
