ملزم تھانے سے فرار تفتیشی افسر بھی بھاگ گیا
کراچی (مانیٹرنگ ڈیسک)گزری پولیس اسٹیشن میں واقع سی آر او برانچ سی آر کے لیے لایا جانے والا ملزم فرار ہوگیا۔
پولیس حکام کے مطابق ملزم کو سی آر او کے لیے لانے والا تفتیشی افسر بھی اسٹیشن سے فرار ہوگیا، جس کے بعد واقعہ کا مقدمہ درج کرلیا گیا۔پولیس حکام کے مطابق گزری پولیس اسٹیشن سی آر او برانچ سے ملزم اور سے لانے والا پولیس کا تفتیشی افسر اے ایس آئی عمران رمضان فرار ہوگئے ۔مقدمے میں ملزم عبدالرحمان اور پولیس افسر عمران رمضان دونوں کو نامزد کیا گیا ہے ۔مقدمہ کے متن کے مطابق 2 روز قبل ملزم عبدالرحمان کو آرام باغ تھانے سے سی آر او کرانے لے جایا گیا تھا۔ اس دوران ملزم عبدالرحمان فرار ہوا، واقع کے بعد تفتیشی افسر اے ایس ائی عمران رمضان بھی فرار ہوگیا۔ مقدمے میں کہا گیا ہے ملزم عبدالرحمان اے ایس آئی عمران رمضان کی غفلت سے فرار ہوا۔
روزنامہ دنیا ایپ انسٹال کریں
