ایک روز میں 95 ہزار سے زائد شہریوں کو ڈرائیونگ لائسنس جاری
لاہور(کرائم سیل)پنجاب بھر میں گزشتہ روز 95 ہزار سے زائد شہریوں کو ڈرائیونگ لائسنس جاری کئے گئے ۔
لائسنسوں میں لرننگ ، نیشنل، انٹرنیشنل ،تجدید والے سمیت تمام ڈرائیونگ لائسنس شامل ہیں۔گزشتہ 6روز میں پنجاب بھر میں 5 لاکھ 15 ہزار سے زائد شہریوں کو ڈرائیونگ لائسنس جاری کئے گئے ، جن میں سے لاہور میں21ہزار 600 سو کے قریب شہریوں کو ڈرائیونگ لائسنس جاری کئے گئے ، فیصل آباد 6758، گوجرانوالہ 8636 ، راولپنڈی 7141، ملتان 6583 اور سرگودھا میں 3000 شہریوں کو لائسنس جاری کئے گئے ۔ ایڈیشنل آئی جی ٹریفک مرزا فاران بیگ نے لائسنسنگ سنٹر میں انتظار گاہوں کومزید فعال بنانے کے احکامات جاری کردئیے ۔
روزنامہ دنیا ایپ انسٹال کریں
