ووٹوں کی طاقت سے بلاول وزیراعظم بنیں گے :پی پی
لاہور(سپیشل رپورٹر)پیپلز پارٹی کے سینئر رہنما عابد حسین صدیقی نے کہا ہے کہ 30 نومبر کو پارٹی کے 57 ویں یوم تاسیس میں پانی والا تالاب کی پارک میں لاہوریوں کی ایک بڑی اکثریت نظر آے گی۔۔۔
کیونکہ اہل لاہور نے فیصلہ کر لیا ہے کہ وہ پیپلز پارٹی کے ساتھ چلیں گے عوام کے ووٹوں کی طاقت سے اب پاکستان کے وزیراعظم بلاول بھٹو زرداری بنیں گے ،آنے والا وقت جیالوں اور پیپلز پارٹی کے ورکروں کا ہے ،پیپلز پارٹی پنجاب کے نائب صدر اور سابق مشیر وزیراعظم میاں محمد ایوب نے کہا ہے کہ افسوسناک بات ہے کہ کے پی کی عوام کو ایک غیر ذمہ دار وزیراعلیٰ ملا ہے جس کو اپنے عوام کی بجاے اپنے لیڈر کی فکر ہے ۔دریں اثنا پیپلز پارٹی کے لاہور میں یوم تاسیس کی تیاریوں کا جائزہ لینے کیلئے پی پی لاہور ڈویژن کی موبلائزیشن کمیٹی کا اجلاس نوید چودھری کی زیر صدارت پیپلز سیکرٹریٹ ماڈل ٹاؤن میں منعقدہوا۔اس موقع پرنوید چودھری نے شرکا سے خطاب کرتے ہوئے کہا کہ ٹکٹ ہولڈرز پر مشتمل رابطہ کمیٹیاں فوری طورپر اپنے حلقوں میں استقبالیہ کیمپ لگائیں۔لاہور کا یوم تاسیس بھر پور انداز میں منانے کیلئے کوئی کسر نہیں اٹھا رکھیں گے۔
