شہر کی خوبصورتی کیلئے ڈی سی کے شہر کے دورے
لاہور (اپنے سٹی رپورٹر سے) ڈی سی سید موسیٰ شہر کی خوبصورتی کو اجاگر کرنے کے لئے فیلڈ میں متحرک رہے۔
انہوں نے تحصیل رائیونڈ کے مختلف مقامات کے دورے کئے ،ملتان روڈ کے علاقے میں صفائی، تجاوزات و غیر قانونی پارکنگ سٹینڈز کا جائزہ لیا۔ڈی سی نے کہا ایل ڈبلیو ایم سی سڑک کنارے مٹی کے ڈھیر کو لازمی صاف کرے اور جمع نہ ہونے دئیے جائیں۔ علاوہ ازیں ڈی سی نے شامکے بھٹیاں گورنمنٹ ہائی سکول کا اچانک دورہ کیا،ایک ٹیچر کے ڈیوٹی سے غیر حاضر ہونے پر برہمی کا اظہار کیا اور سی ای او ایجوکیشن کو غیر حاضر استاد کے خلاف فوری کارروائی کا حکم دیا۔دوسری طرف ڈی سی نے شامکے بھٹیاں بنیادی مرکز صحت کا بھی دورہ کیا اور سہولیات کا جائزہ لیا۔انہوں نے کہامریضوں کو بروقت ادویات کی فراہمی یقینی بنائی جائے۔
روزنامہ دنیا ایپ انسٹال کریں
