ہیٹ ویو ، لوکل گورنمنٹ کو کولنگ شیلٹرزبنانے کی ہدایت
لاہور (ا ین این آئی) ہیٹ ویو کے خطرے کے پیش نظر پی ڈی ایم اے پنجاب نے محکمہ لوکل گورنمنٹ اینڈ کمیونٹی ڈویلپمنٹ کو مراسلہ جاری کرتے ہوئے عارضی اور مستقل کولنگ شیلٹرز کا انتظام کرنے کی ہدایت کر دی۔صوبے بھر کے کمشنر و ڈپٹی کمشنرز کو بھی مراسلہ جاری کیا گیا ۔
ڈائریکٹر جنرل پی ڈی ایم اے عرفان علی کاٹھیا کی ہدایت پر جاری کردہ مراسلہ میں کہا گیا کہ اربن سنٹرز، پبلک پارکس، کمیونٹی ہالز، یونین کونسل دفاتر اور دیگر لوکل گورنمنٹ بلڈنگز میں عارضی اور مستقل کولنگ شیلٹرز کا انتظام کیا جائے ، مارکیٹس، بس سٹاپس، عبادت گاہوں پر ہائیڈریشن پوائنٹس اور پانی کی دستیابی کے لئے انتظامات کئے جائیں، پبلک ٹوائلٹ اور ہینڈ پمپس کو فعال رکھا جائے ۔مراسلے میں مزید کہا گیا تمام میٹروپولیٹن کارپوریشنز، میونسپل کمیٹیوں اور میونسپل کارپوریشنز کو ہیٹ ویو بارے اقدامات کرنے کیلئے مکمل طور پر فعال کیا جائے ، واسا اور ریسکیو 1122کے ساتھ کوآرڈینیشن کو یقینی بنایا جائے ۔
